Wezîrê Karên Derve yê Tirkîyê, gotinên Serokwezîrê Rêjîma Sîyonîst derbarê Rexê Rojavaya Çemê Urdinê de "nijadperestane" bi nav kirin.

Ligorî rapora Ajansa Nûçan a Fransayê, Wezîrê Karên Derve yê Tirkîyê Mewlûd Çavûşoglu got ku soza Benyamîn Netanyahû ya xistina bajarokên Rexê Rojavaya Çemê Ûrdinê ser erdên din ên dagirbûyî, "nijadperestane" û mînaka berbiçav a Apartaydê ye.

Netanyahû di mîtîngeke hilbijartinan de got ku heke di hilbijartinên parlimanî yên 17`ê îlonê de ser keve, dê bajarokên Sîyonîstnişîn ên Rexê Rojavaya Çemê Urdinê û pişkên girîng ên wê herêmê tevlî Erdên Dagirbûyî bike.

Şayanî gotinê ye ku Qudsa Rojhilat û Rexê Rojavaya Çemê urdinê ji sala 1967`ê ve ji hêla Israyîlê va hatine dagirkirinê. Nêzî 250 bajarokên Sîyonîstnişîn li Rexê Rojavaya Çemê Urdinê hene.

Zêde ji 400 hezar Cuhû li wan bajarokana dijîn. Ligorî qanûnên navnetewî hemî mal û avahîyên Sîyonîstnişîn ên wan navçana neqanûnî ne.