PKK:11 leşkerên tirk hatin kuştin'
Îlon 22, 2015 20:52 Asia/Tehran
HPGê baskê eskerî yê PKK'ê daxuyanî daye ku 11 leşkerên Tirkiyê kuştine.
Li gorî nûçeya ANFê HPGê derbarê şerên dawî de daxuyanî daye ku li çend şer û pevçûnan de li başûrê rojhilata Tirkiyê 11 leşkerên Tirkiyê kuştine.Li gor daxuyanî HPG, li Wanê, duh 21ê Îlonê saet di 22:30 de, hêzên PKK yên li ser riya karwanê leşkerî ya ji Wanê diçû Colemêrgê, li qadeke di navbera navçeya Elbakê û qereqola Gelegomê de bombe teqand ku di encamê de 5 kes hatin kuştin. Medyaya Tirkiyê ji bo vê çalakiyê ragihand ku 13 birîndarên wan hene. Di vê çalakiyê de wesayîta ku çalakî li dij hate kirin bi temamî îmha bû; bi zelalî 5 leşker hatin kuştin.
HPG her wiha li daxuyaniya xwe ragihand ku li Mêrdînê jî duh 21ê Îlonê saet di 17:40 de, li sêgoşeya Midyad-Kerboran-Bendava Ilısû ya Mêrdînê, hêzên vê grûpê li dijî girekî di destê artêşa Tirkiyê de çalakiyek pêk anîn. Di encama çalakiya bi çekên giran û ferdî de 2 leşker hatin kuştin, leşkerek jî bi giranî birîndar bû. Li Colenêrg û Şemzînanê de jî di encama çalakiyên li dij hêzên Tirkiyê 4 leşker hatin kuştin.
