Dirêjkirina qedexeya hatin û çûyînê Hejmara kuştîyan rabû 120 kesî
Çavkanîyên nûçeyan li Sûrîyê radigihînin ku pevçûn li hin deverên vî welatî didomin û li Tertûsê jî qedexeya hatin û çûyînê hat dirêjkirin.
Çavkanîyên nûçeyan ên sûrî ragihandi ku li bakur- rojavaya Sûrîyê da pevçûnên giran di navbera komên gelanî û hêzên di bin fermana Colanî da derketin ku di encama wan da 120 kes hatin kuştin û bi dehan kesî jî hatine birîndarkirin û li gorî rewşa emnî û leşkerî ya li herêmê, qedexeya hatin û çûyînê li Tertûsê heta saet 12ê nîvroya îro hat dirêjkirin.
Çekdarên ser bi Colanî di dewama sîyaseta tepeserkirina Elewîyan da, bi tundî êrişî parêzgeha Laziqîyê kirin ku pêrgî berxwedana giran a gel bûn.
Vê sibê jî di navbera hêzên di bin fermana Colanî û komên dijber li derdora Laziqîyê da pevçûn dest pê bûn û tê gotin ku bi sedan hêzên Colanî di van pevçûnan da birîndar bûne.
Li şarê Laziqîyê jî hêzên di bin fermana Colanî da piştî paşdavekişîna ji hin navçeyan, êrişî welatîyên sivîl kirin.
Gelê rojavaya Sûrîyê ji wan li şarên Laziqîye û Tertûsê jî şva buhurî rabûn û dijî sîyasetên hikûmeta nû ya bi serokatîya Colanî xwenîşandanek li dar xistin. Berî vîya Civata Bilind a Islamî ya Elewîyên Sûrîyê di bangewazîyekê da ji gelê vî welatî xwest ku li himber zilma hikûmeta Colanî dest bi xwenîşandan û berxwedanê bikin.
Li gorî berdewambûna pevçûnan li hin navçeyên Sûrîyê, li şarê Tertûsê qedexeya hatin û çûyînê heta sibê ango şemîyê hat qedexekirin û imtihanên xwendekarên zanîngehên Tertûs û Laziqîyê jî bo demeke din hatin paşdaxistin.
