Êrişa ser Helebê; Hewldana tekfîriyan ji bo guherîna qada şêrr ji bo Siyonîstan
Li gorî karzanan, liv û tevgerên terorîstan li Sûriyê bertekek li hember serketinên Berxwedanê ne, wisa xuya dike ku siyonîst piştî şikesta li Filistîn û başûrê Libnanê, li dû guhertina rewşê û qada şêrr digerin.
Têrorîstên tekfîrî di rojên derbasbûyî de piştî çend salan careke din dest bi êrişên xwe li bajarê Heleb ê Sûriyê kirine da ku alozî û bê ewlehîtiyê li vê navçê çêkin û hikûmeta Sûriyê lawaz bikin. Tê gotin ku van terorîstan bi piştgiriya Amerîka û Rejîma Siyonîst dest bi çalakiyên nû kirine. Wisa xuya dike ku nakokiyên li rojavaya Asiyayê û alîkariya hêzên berxwedanê li bereyên din ji bo sekinîna li hember Rejîma Siyonîstî bûne sedem ku ev terorîst vê derfetê bikar bînin û bi piştevaniya piştgirên xwe hewl bidin hevkêşiyê li vê navçê ser xêra xwe biguherînin.
Artêşa Sûriyê îro di daxuyaniyekê de ragihand, ku şerek dijwar bi terorîstan re li bajarê Helebê ji bo rawestandina pêşveçûnên wan diqewime û hêzên çekdar ên Sûriyê bi rêkxistina dubare û temamkirina pêvajoya anîna hêz û alavên leşkerî, xwe ji bo dije êrîşekê û derxistina terorîstan ji vî bajarî amade dikin. Di daxûyaniya artêşa Sûriyê de hatiye ragihandin ku komên bi hezaran terorîstên biyanî û çekên giran û hejmareke zêde ya xwefiran, êrişeke berfireh pêk anîne. Êrîşa berfireh a komên têrorîst ji çend mêhweran ve ber bi du bereyên Heleb û Idlibê ve hat kirin û artêşa Sûriyê li navçeyên curbicur ên pevçûnan di ziîvaleka zêdetirî 100 kîlometran de ji bo rawestandina pêşveçûnên çekdaran, kete di nava şerrên giran de.
Di encama van şerran de bi dehan kes ji hêzên me yên çekdar şehîd û hejmarek jî birîndar bûn.
