Balyozê Sûrîyê li Rûsyê: “Bêhna mirovantîyê neçûye welatên rojavayî”
Balyozê Sûrîyê li Moskowê got: “Bi dû erdheja li Tirkîye û Sûrîyê û cihkarîyê di warê şandina alîkarîyên mirovdostîyê bo van du welatan da, welatên rojavayî nîşan dan ku bêhna mirovantîyê neçûye wan.”
Balyozê Sûrîyê li Moskowê “Beşar Ce’ferî” pêgirî kir: “Boykotên Amerîkayê û welatên rojavayî dijî Sûrîyê, hewlên ji bo gîhandina alîkarîyan û rizgarkirina mexdûrên erdhejê asteng dikin.”
Bişar Ce’ferî herwiha got: “Ya girîng ev e ku bêwatebûna têgeha mirovantîyê li welatên rojavayî, vê gavê li Sûrîyê û bi dû vê qeyranê aşkira bûye.”
Vî rayedarê sûrî herwiha dîyar kir para zêde ya alîkarîyên mirovdostîyê ber bi Tirikîyê va tên şandin û got: “Li gorî nêrîna Sûrîyê her mexdûrekî erdhejê çi li bakur û çi li başûra Tirkîyê be, hewcedarê alîkarîyê ye û raberkirina alîkarîyê bo her yek ji wan karekî baş e, lê hûn dibînin ku heta di warê şandina alîkarîyên mirovdostîyê da jî cihêkarîya ne-exlaqî heye.”
