Karwanekî nû yê kelûpelên leşkerî yên artêşa Amerîkayê derbasî Sûriyê bû
Amerîka roja Duşemê bi karwanekî nû yê ji 40 kamyonan ku çek, alavên serbazî û lojîstîk li wan barkiribûn ji bakurê Iraqê derbasî nav Sûriyê bû, ev yek binpêkirina dubare ya serweriya Sûriyê û qanûnên navdewletî ye.
Ajansa fermî ya Sûriyê SANA ragihand ku hêzên Amerîkî yên dagirker ji bo bihêzkirina baregehên xwe yên neqanûnî li parêzgehên Hesekê û Dêrazorê li bakurê rojhilatê Sûriyê ev karwana derbasî Sûriyê kirine.
Li gor SANAyê ev karwanê amerîkî ji derbasgeha sînorî ya neqanûniya El-Welîd derbasî nav axa Sûriyê bûye.
Di mehên dawî de, Amerîkayê bi hezaran kamyonên ku çek û alavên leşkerî û lojîstîk hildigirin bi riyên neqanûnî derbasî Sûriyê kirine ji bo ku hebûna xwe ya neqanûnî li wî welatî bihêz bike da ku bikare bi hêsanî neft û çavkaniyên din ên xwezayî yên Sûriyê bidize.
