Beşar Esed derbarê leşkeriyê de fermanek derxist
Serokomarê Sûriyê Beşar Esed fermanek îdarî derxist ji bo bidawîkirina ragirtin û gazîkirina efserên rezerv, efserên asayî û karmendên reserve di artêşa wî welatî de.
Li gorî wê fermana Beşar Esed, hemû leşkerên di xizmeta leşkerî de hatine ragirtin, dê bêne berdan û êdî ti kes ji efser û serbazan û kesên yedek ji destpêka sala 2022an ve nayên xwestin.
Fermana Beşar Esed wiha ye:
1- Efser û kesên di xizmeta ihtiyat de ne ku xizmeta wan a rast 2 sal û bêtir derbas kirine ji bo ihtiyat nayên birin.
2- Bijîşkên di rêveberiya xizmetên tendirustî de pispor in ku xizmeta wan a ihtiyat ya rast 2 sal û bêtir in wê bêne berdan.
Herwiha ragirtin û daxwazkirina berefseran û kesên yedek ji destpêka 1ê çileya 2022an ve li gorî van mercan dê were bidawîkirin: Berefser û kesên hatine ragirtin û kesên bi xizmeta yedek ve hatine girêdan ên ku xizmeta wan a yedekbûnê ya rast heta 31-12-2021 kêmî 6 sal û nîv nebe.
Di zêdeyî 10 salên şerê navxweyî yê li Sûriyê de, Beşar Esed gelek fermanên îdarî û leşkerî jibo rêkxistina artêşa wî welatî derxistine. Li Sûriyê, Beşar Esed tevî ku Serokkomar e, Fermandarê Giştî yê Hêzên Çekdarên wî welatî ye jî.
