Li bajarokê Cerablusê yê li bakurê Sûriyê du teqîn qewmîn û di encamê de 2 kes hate kuştin û zêdetir ji 18 kesên din jî birîndar bûn.

Rewangeha Sûrî ya Mafên Mirovan ragihand, îro danê sibê bombeyeke çandî li nêzîkî Encûmena Xwecihî ya Bajerê teqiya û di encamê de 5 kes birîndar bûn.

Rewangehê her wiha diyar kir teqîneke din bi riya motorsîkleteke bombekirî li nava bajêr qewmî û di encamê de kesek hat kuştin û 10 kesên din jî birîndar bûn.

Ji aliyekî din ve, ajansa fermî ya Sûriyê “SANA” belav kir, di encama her du teqînên Cerablusê de, 2 kes hatine kuştin û 18 kes jî birîndar bûne.