Rejîma Îsraîlê êrişî hin xalên leşkerî li Hims û Şamê kir
Rejma Siyonîst a Îsraîlê di nav axa Sûriyê de êrîşî bingehên serbazî û depoyên çekan li Şam û Himsê kir.
Ajansa fermî ya Sûriyê SANA li gor zanyariyên ji çavkaniyên leşkerî ve wergirtiye, ragihand: Êrîş derdora saet 23:00 şeva derbasbûyî hatiye kirin û balafirên şer ên Rejîma Siyonîst ji asmanê başûr rojhilatê Beyrûta paytexta Lubnanê ve hejmareke xalên leşkerî yên li derdora bajarên Şam û Himsê bombebaran kirine.
Li gor agahiyan, li Şamê û derdora wê û herwiha li Himsê dengê teqînên bihêz hatine bihîstin.
Çavkaniyê leşkerî yê artêşa Sûriyê ji SANA re diyar kiriye, “sîstema berevaniya asmanî ya me rûbirûyî êrîşeke mûşekî ya dijmin bûye û piraniya wan têk birine.”
Heman çavkaniya leşkerî gotiye, ji bo zanîna encam û zirarên êrişê lêkolîn tê kirin. Heta niha ziyanên êrişê nehatine zanîn.
Li aliyekî din, medyayên Lubnanê ragihandine ku du mûşek li navçeya El Qelemûn li ser sînorê Lubnan-Sûriyê ketine, lê ti zirar nebûye.
