Efrîna dagirbûyî; 2 welatiyên Kurd hatin girtin
Tîrmeh 30, 2021 09:17 Asia/Tehran
Li Efrîna bakurê Sûriyê 2 welatiyên Kurd ji aliyê îstîxbareta Tirkiyê ve hatin girtin.
Li gorî nûçeya Rûdawê, "Polîsên Serbazî yên ser bi hikûmeta demkî ya opozisyona Sûriyê û îstixbarata Tirkiyê ve, 2 welatiyên Kurd ji gundê Şorbe yê herêma Efrînê girtin.
Çavkaniyeke gundê Şorbe ji Rûdawê re got, ku polîsên serbazî û îstîxbareta Tirkiyê, 2 welatiyên Kurd ji gundê wan girtine.
Heman çavkaniyê diyar kir ku heta niha sedemên girtinê û cihê ku ew herdu bo hatine veguhastin, ne diyar in.
Navên wan herdu hemwelatiyên Kurd ku ji aliyê îstîxbareta Tirkiyê ve hatine revandin; Abidîn Omer ê 55 salî û Nîhad Bêrem ê 45 salî.
