Li Bakur û Rojhilatê Sûriyê 38 kesên din bi vîrusa koronayê ketin
Adar 11, 2021 16:42 Asia/Tehran
Desteya Tenduristiyê ya Bakur û Rojhilatê Sûriyê ragihand ku 38 kesên din bi vîrusa koroneyê ketine û 4 kes jî mirine.
Hevserokê Desteya Tenduristiyê ya Bakur û Rojhilatê Sûriyê Ciwan Mistefa diyar kir ku kesên ji ber vîrusê mirine; 3 mêr û jinekê ne û ji Reqayê ne.
Mistefa destnîşan kir ku li Bakur û Rojhilatê Sûriyê 38 kes bi korona ketine, ji wan 25 mêr in û 13 jî jin in û li van herêman in:
Hesekê: 3
Qamişlo: 15
Dêrik: 1
Rimêlan: 1
Reqa: 6
Tebqa: 7
Dêrazor: 4
Minbic: 1
Bi vî awayî hejmara kesên ku li Bakur û Rojhilatê Sûriyê bi korona ketine gihaşt 8 hezar û 755 kesan, jê 335 kes mirine û hezar û 253 kes jî baş bûne.
