Artêşa Sûriyê êrişî koma terorîst a ‘Artêşa Nesir’ kir: 11 terorîst hatin kuştin
Hêzên hikumeta Şamê li Sehil Xab li dijî terorîstên ‘Artêşa Nesir’ ên ku dewleta Tirkiyê jê piştgiriyê dike, êrişek pêk anî û zêdetirî 11 terorîst hatin kuştin.
Komeke Artêşa Sûriyê li eniya Enkawî ya Sehil Xab a bakurê rojavayê Hemayê êrişî nuqteyeke terorîstên Artêşa Nesir kir ku piştgiriya xwe ji dewleta Tirkiyê digirin û di nava "’Eniya Nîştimanî’ de cih digirin.
Li gorî Navenda Çavdêriya Mafên Mirovan a opozesiyona Sûriyê (SOHR), di operasyonê de 11 çete hatin kuştin û gelek çete birîndar bûn û çeteyên Artêşa Nesir paşde vekişîn.
Hêjayî bibîrxistinê ye ku duh hêzên hikumeta Şamê deverên li Fatîre, Kensefra, Sifohin û Bênên ên gundewarên başûrê Idlibê û Qilêdîn û Enkawî yên Sehil Xab a bakurê rojavayê Hemayê ku terorîstên ser bi Tirkiyê li wir in topbaran kiribûn.
