Li Bakur û Rojhilatê Sûriyê 43 kes bi koronayê ketin
Li Bakur û Rojhilatê Sûriyê hejmara pêketiyên koronayê kêm bû. Desteya Tenduristiyê piştrast kir ku di 24 saetên dawîn de li herêmê 43 kes bi koronayê ketine.
Desteya Tenduristiyê ya Desthilata Bakur û Rojhilatê Sûriyê îro ragihand ku li herêmê 43 kesên din bi vîrusa koronayê (Covid-19) ketine.
Hevserokê Desteya Tenduristiyê ya Desthilata Bakur û Rojhilatê Sûriyê Dr. Ciwan Mistefa piştrast kir kesên nexweş 24 zilam û 19 jin in û li van herêman in:
Hesekê: 4
Qamişlo: 3
Dêrik: 9
Girkê Legê: 1
Amûdê: 1
Dirbêsiyê: 1
Kobanê: 2
Tebqa: 10
Reqa: 7
Minbic: 3
Şehba: 2
Ciwan Mistefa diyar kir ku 4 kesên din bi koronayê jiyana xwe ji dest daye û 8 nexweş baş bûne.
Li gorî van daneyên nû, li herêmên Bakur û Rojhilatê Sûriyê 7 hezar û 955 kes bi vîrusê ketine, ji wan 271 kesan jiyana xwe ji dest daye û hezar û 130 kes jî baş bûne.
