17ê Kanûnê - Li Bakur û Rojhilatê Sûriyê 70 kesên din bi koronayê ketine
Desteya Tenduristiyê ya Rêveberiya Xweser a Bakur û Rojhilatê Sûriyê ragihand ku di 24 seatên çûyî de 70 kesên din bi koronayê ketine û 10 kesan jî jiyana xwe ji dest daye.
Li gorî rapora ajansa nûçeyan a Hawar Newsê (ANHA), Desteya Tenduristiyê ya Bakur û Rojhilatê Sûriyê îro daxuyaniyek ji raya giştî re ragihand ku tê de di 24 saetên dawî de hejmara pêketiyên vîrusa koronayê û hejmara kesên bi koronayê mirine li herêmên Bakur û Rojhilatê Sûriyê, eşkere kir.
Hevserokê Desteya Tenduristiyê ya Rêveberiya Xweser a Bakur û Rojhilatê Sûriyê Ciwan Mistefa destnîşan kir ku kesên bi koronayê mirine, 3 mêr ji Hesekê ne, 2 mêr ji Şehbayê ne, 2 mêr ji Kobanê û Amûdê ne, 3 jin ji Qamişloyê, Kobanê û Holê ne.
Mistefa bi bîr xist ku li Bakur û Rojhilatê Sûriyê 70 kesên din bi koronayê ketine, ji wan 40 mêr in û 30 jin in û li van herêman in:
Hesekê: 1
Qamişlo: 4
Dêrik: 11
Amûdê: 1
Girkê Legê: 1
Tirbespiyê: 2
Reqa: 3
Tebqa: 22
Minbic: 3
Dêrazorê: 13
Kobanê: 5
Şehba: 4
Her wiha Mistefa da zanîn ku ji nav pêketiyên koronayê 2 kes jî baş bûne.
Bi van daneyan hejmara giştî ya pêketiyên koronayê gihaşt 7 hezar û 651 kesan, ji nav wan 251 kesan jiyana xwe ji dest daye û hezar û 89 kes baş bûne.
