Li Bakur û Rojhilatê Sûriyê 20 kesên din bi vîrusa korona ketine
Desteya Tenduristiyê ya Bakur û Rojhilatê Sûriyê ragihand ku li Bakur û Rojhilatê Sûriyê 20 kesên din bi vîrusa korona ketine û 2 kesan ji ber vîrusê jiyana xwe ji dest da. Di heman demê de 17 kesên bi vîrusa koronayê ketibûn, baş bûne.
Desteya Tenduristiyê ya Rêveberiya Xweser a Bakur û Rojhilatê Sûriyê diyar kir ku li Bakur û Rojhilatê Sûriyê ji ber vîrusa korona 2 kesên din jiyana xwe ji dest da.
Hevserokê Desteya Tenduristiyê ya Rêveberiya Xweser a Bakur û Rojhilatê Sûriyê Ciwan Mistefa da zanîn ku 2 kesên ji ber vîrusê jiyana xwe ji dest daye ji Hesekê ya herêma Cizîrê ne.
Mistefa bi bîr xist ku 20 kesên bi vîrusa Koronayê ketine ji van herêman in;
Qamişlo; 5Hesekê; 5Tirbespiyê; 3Dêrikê; 2Reqa; 3Tebqa; 1Kobanê; 1
Ciwan Mistefa got di nava 24 seatên derbasbûyî de 17 kesên bi vîrusa koronayê ketibûn, baş bûne.
Tevî hejmara îro, li Bakur û Rojhilatê Sûriyê 595 kes bi vîrusê ketine, ji wan 40 kesan jiyana xwe ji dest daye û 127 kes jî baş bûne.
