Pêngava Hêzên Sûriya Demokratîk (HSD) ya li dijî şaneyên DAIŞ’ê li qadeke 80 kîlometrî de didome. HSD’ê diyar kir di roja sêyem a pêngavê de 12 çeteyên DAIŞ’ê hatin girtin.

HSD’ê li dijî şaneyên DAIŞ’ê li bejahiya Dêrazor û Hesekê pêngavek dabû destpêkirin. Pêngav li qadeke 80 kîlometrî didome.

Çavkaniyên herêmî diyar kirin ku HSD’ê duh 12 çete girtin û bi giştî heta niha 42 çeteyên DAIŞ’ê hatine girtin.

Fermandarê HSD’ê Reşo Hîlînc diyar kir ku gelê herêmê jî piştgiriyê didin pêngavê û ev pêngav li ser xeta sînor wê heta Çemê Firatê bidome.