Artêşa Tirkiyê ku gelek deverên kursî li Sûriyê dagîr kirine piştî zadên şêniyên gundewarên Til Temirê şewitandin, agir berdan malên sivîlan.

Çeteyên artêşa Tirkiyê yên bi navên ‘Artêşa Nîştimanî ya Sûriyê’ agir bi malên sivîlên gundên Reyhaniyê û Qasimiyê yên bakurê rojavayê navçeya Til Temirê xist.

Beriya niha çeteyan bi îdiaya ku ev herêmeke leşkerî ya Tirkiyê ye, sivîl ji gund derxistin û mal û milkên sivîlan jî talan kirin.

Beriya çend rojan komên çeteyan û artêşa Tirkiyê malên sivîlên gundên Til Menax û Um Şiêfa yên başûrê navçeya Zirganê yên li ser rêya Til Temirê şewitandin.

Artêşa Tirkiyê û çeteyên wê ji hefteyekê ve zeviyên gundewarên rojavayê bakurê navçeya Til Temir û gundên navçeya Zirganê dişewitînin.