Fermandetîya Artêşa Sûrîyê ragihand ku wergirtina leşkerana bi mebesta girtina pêşîya Koronayê heta mehekê rawestand.

Ligorî rapora Ajansa Nûçan a Fermî ya Hikûmeta Sûrîyê (SANA), Fermandetîya Artêşa Sûrîyê di daxûyanîyekê de ragihand ku wergirtina leşkeran bi hegera belavbûna vîrûsa Koronayê li cîhanê heta 22`yê Nîsanê hat rawestandinê û hemî pêngavên qanûnî yên têkildarî kesên hê neçûne eskerîyê û yên ber çûyînê jî heta wê rojê dê bên rawestandinê. 

Heta nika hîç haleteke tûşbûna bi vîrûsa Koronayê nehatîye ragihandinê lê, dewleta vî welatî tevî rewşa taybet a ji ber şêrr dest bi pêngavên pêşlêgirtinê kirîye.

Dewleta Sûrîyê ragihandîye ku hatina welatîyên 26 welatan ji wan ên 11 welatên Ereb bo wî welatî bi awayekî demkî bi merema sekinîna himberî Koronayê qedexe ye û li şarê Şamê jî park û hin navendên giştî hatine daxistinê.