Fermandarê Giştî yê HSDê, Mazlûm Kobanî ragihand, di operasyoneke hevbeş a HSDê û hêzên Amerîkayê de, “destrastê Ebûbekir Bexdadî û Berdevkê DAIŞê Ebû Hesen Muhacir li Cerablusê hate kuştin.”

Mazlûm Kobanî diyar kir, ku Ebû Hesen Muhacir li gundê Eyn el-Beyze li nêzîkî Cerablusê hatiye kuştin ku di bin kontrola artêşa Tirkiyê û çekdarên ser bi wî welatî de ye.

General Mazlûm Kobanî daye xuyakirin, operasyona kuştina destrastê Bexdadî, “di berdewamiya operasyona pêştir de û bi hevahnegiya rasterast a navbera îstixbarata HSDê û Artêşa Amerîkayê” hatiye encamdan.