Piştî biryara Amerîkayê ya vekişandina hêzên xwe ji hin deverên bakura Sûrîyê, Berdevkê HSD li Twitterê nivîsî: ''Bi her berdêlekê be em ê berevanîya herêma xwe bikin.''

Piştî biryara Amerîkayê ya vekişandina hêzên xwe ji hin deverên bakura Sûrîyê, Berdevkê HSD Mistefa Balî li Twitterê nivîsî: ''Vekişîna hêzên amerîkî ji herêmê bi wateya veguherîna wê navçeyê bo qaddeke şerê giştalî ye. Hêzên amerîkî sozên xwe cih neanîn û ji herêma di navbera sînorên Tirkîyê û hêzên xwecî derketine. Tirkîye jî amadekarîya opêrasyoneke dagirkerane li bakur û rojhilata Sûrîyê dike.''

Wî herwiha got: ''Hêzên Sûrîya Dêmokiratîk bi her berdêlekê be dê berevanîya herêma xwe bikin. Em çavlirê ne ku alîyên amerîkî û Navenda Fermandetîya Hêzên Çekdar a Amerîkayê daxûyanîyekê derheq hegera pêbendnebûna li rêketinama her du alîyan a derbarê mêkanîzma ewlehîyê li herêmê de bidin.''