Grubên çekdar bi piştevaniya artêşa Tirkiyê bi otomobîlên zirîpoş bi ser gundekî Efrînê li bakura rojavayê Sûriyê de girtin û zêde ji 22 gundî revandin.

Rêxistina Mafên Mirovan li Efrînê belav kir, roja 4ê vê mehê gruba çekdar a bi navê Polîsê Leşkerî û hêzên artêşa Tirkiyê bi otomobîlên zirîpoş bi ser gundê Kurzêlê yê ku li 5 Kîlometriya başûrî rojhilatê Efrînê de ye girtin, dorpêç kirin û dest bi revandina gundiyên kirin.

Wê rêxistina mafên mirovan navên hemû kesên revandî yên hatine naskirin jî belav kir.

Ji dema dagîrkirina Efrînê ji aliyê artêşa Tirkiyê û Grûpên çekdar ve di 18ê Adara 2018an ve, ta niha bi hezaran welatiyên Efrînê hatine revandin û gelek ji wan jî hatine şikencekirin û kuştin, tenê di meha bûrî 127 welatiyên Efrînê ji aliyê çekdaran ve hatibûn revandin.

Çalakvanên Efrînê dibêjin, artêşa Tirkiyê û grûpên çekdar bê sedem û bihane welatiyên Efrînê direvînin, eşkence didin û pereyan jê distînin, ew neçar bibin û dest ji xaka xwe berdin û koçber bibin.