SAHAR

HSDê serkirdeyekî DAIŞê li bajarokê El-Zir ê li rojhilatê Dêrazorê girt.

Hêzên Sûriya Demokratîk (HSD) bi piştevaniya Hevpeymaniya Navdewletî li Dêrazorê operasyonek encam da.

Li gor çavkaniyeke HSDê, di wê operasyonê de 2 endamên DAIŞê li nav mizgefta El-Zir li rojhilatê Dêrazorê hatin girtin.

Ji kesên hatin girtin yek Hadî El-Qizbîr e ku naskiriye bi navê Ebu Sumeye El-Iraqî.

Hevpeymaniya Navdewletî berî niha bi riya helîkopteran belavok avêtibûn ser navçeya rojhilatê Dêrazorê.

Di wan belavokan de hatibû gotin ku kesê ku zanyariyan hûr li ser Qezbîr eşker bike dê bi 20 hezar dolaran bê xelatkirin.