Li Bakur û Rojhilatê Sûriyê 148 kesên din bi Koronayê ketin
Desteya Tenduristiyê ya Desthilata Bakur û Rojhilatê Sûriyê ragihand ku li herêmê 148 kesên din bi Koronayê ketine û 12 kesan jiyana xwe ji dest daye.
Hevserokê Desteya Tenduristiyê ya Desthilata Bakur û Rojhilatê Sûriyê Dr. Ciwan Mistefa diyar kir ku kesên ji ber nexweşiya koronayê jiyana xwe ji dest daye, ji Hesekê, Qamişlo, Tebqa û Dêrazorê ne.
Mistefa da zanîn ku li Bakur û Rojhilatê Sûriyê 148 kesên din bi Koronayê ketine, ew jî 77 mêr in, 71 jin in û li van herêman in:
Hesekê: 18
Qamişlo: 14
Dêrik: 7
Dirbêsiyê: 1
Kobanê: 9
Reqa: 31
Tebqa: 61
Minbic: 5
Şehba: 1
Kampa Holê: 1
Mistefa diyar kir ku 11 kes baş bûne.
Bi van daneyan re, heta niha li Bakur û Rojhilatê Sûriyê 16 hezar û 111 kes bi Koronayê ketine, ji wan 605 kesan jiyana xwe ji dest daye û hezar û 640 kes jî baş bûne.
