Erdên navçeya Şiyeya Efrînê jibo projeya bajarokçêêkirinê yên Tirkiyê ji malbatên kurd tên standin.

Li gorî rapora Kurd Pressê, Erdên 6 malbatên kurd li navçeya Şiyeya Efrînê ji aliyê komên çekdar ên ser bi koma bi navê Artêşa Azad a Sûriyê û bi hevkariya hikûmeta Tirkiyê hatin desteserkirin û jibo projeya çêkiirna bajarokan jibo tirkmen û erebên Sûriyê hatin terxankirin.

Li gorî nûçeya ku Rûdawê belav kir, Koma çekdar a Silêman a ser bi Artêşa Azad ev erd xesb kirine.

Li gorî vê raporê biryar e ku Tirkiye li vê navçeyê 247 malan çêbike.

Piştî 18ê Aadara 2018an ku Efrîn ji aliyê Tirkiyê va hat dagirkirin, bi sedan hezar kurd neçar man ji cih û warê xwe koçber bibin.

Bi mebesta guhertina demografiya vê navçeyê jî bi dehan hezar kes ji tirkmen û erebên Sûriyê li erd û malên kurdan hatin bicihkirin.