Hejmara kesên ku ji ber şewata Kampa Holê ya rojhilatê Sûriyê jiyana xwe ji dest dane, gihîşt 10 kesan.

Di 27 meha Sibatê de li Kampa Holê ku bi deh hezaran malbatên DAIŞê jî lê dimînin, şewatek derket.

Şewat li konekî ku şahiyek lê hebû, ji ber teqîna sobeya mazotê derketibû.

Di encama şewatê de, 6 kesan jiyana xwe ji dest dabûn û 30 kes jî birîndar bibûn.

Piştî şewatê birîndar ji bo nexweşaneyên bajarê Hesekê û yên hêrêma Cizîrê hatibûn vegûhestin.

Ji wan birîndaran 4 kesan canê xwe ji dest dan û hejmara miriyên şewatê gihîşt 10 kesan.

Ew kesên ku can dane, 8 zarok û 2 jî jin bûne.