Li Bakur û Rojhilatê Sûriyê 40 kesên din bi vîrusa koronayê ketin
Desteya Tenduristiyê ya Desthilata Bakur û Rojhilatê Sûriyê îro ragihand ku li herêmê 40 kesên din bi vîrusa Koronayê ketine û 4 kesan jiyana xwe ji dest daye.
Li gorî rapora ajansa nûçeyan a Hawar Newsê (ANHA), Hevserokê Desteya Tenduristiyê ya Desthilata Bakur û Rojhilatê Sûriyê Ciwan Mistefa diyar kir ku kesên mirine 2 mêr û jinek ji Hesekê ne û mêrekî ji Reqayê ye.
Mistefa eşkere kir ku 40 kesên din bi vîrusa Koronayê ketine, ew 21 mêr û 19 jin in û li van herêman in:
Hesekê: 5
Qamişlo: 3
Dêrik: 6
Til Temir:1
Rimêlan: 1
Kobanê: 7
Reqa: 1
Dêrazor:3
Tebqa: 11
Şehba: 2
Mistefa her wiha da zanîn ku 7 nexweşên şewbê baş bûne.
Bi van daneyan re, hejmara giştî ya pêketiyên Koronayê li Bakur û Rojhilatê Sûriyê gihaşt 8 hezar û 153 an, ji wan 280 kes mirine û hezar û 157 kes baş bûne
