Hejmara pêketiyên vîrusa koronayê li Bakur û Rojhilatê Sûriyê pir kêm bûye
Çile 04, 2021 16:05 Asia/Tehran
Desteya Tenduristiyê ya Desthilata Bakur û Rojhilatê Sûriyê ragihand ku 14 kesên tenê bi vîrusa koronayê ketine û kesek jî jiyana xwe ji dest daye.
Li gorî rapora ajansa nûçeyan a Hawar Newsê (ANHA), Hevserokê Desteya Tenduristiyê ya Desthilata Bakur û Rojhilatê Sûriyê Ciwan Mistefa diyar kir ku kesên bi koronayê ketine 7 mêr in û 7 jin in û li van herêman in:
Qamişlo: 4
Til Temir: 1
Dêrik: 5
Girkê legê: 1
Tirbespiyê:1
Reqa:1
Şehba: 1
Mistefa da zanîn ku ji nav pêketiyên koronayê kesek baş bûye û kesekî jî jiyana xwe ji dest daye.
Bi van daneyan hejmara giştî pêketiyên koronayê gihaşt 8 hezar û 113 kesan, ji wan 276 kes mirine û hezar û 150 kes baş bûne.
