Tîrmeh 06, 2020 01:01 Asia/Tehran
  • Rêveberiya Xweser a Bakur û Rojhilatê Sûriyê tedbîrên nû li dijî Covît-19 girtin

Rêveberiya Xweser a Bakur û Rojhilatê Sûriyê ji bo pêşîlêgirtina belavbûna şewba vîrûsa Koronayê (Covid-19), rêzetedbîr girtin û destnîşan kir ku ji ber ku li herêmên di bin serweriya hikumeta Sûriyê û dewletên cîran pandemî zêde bû, ew pêngav pêk hatin. Meclisa Rêveber a Rêveberiya Xweser a Bakur û Rojhilatê Sûriyê biryarek bi hejmara 70’yan da ku li gorî wê tevahiya dergehên sînor têne girtin.

Li gorî rapora ajansa nûçeyan a Mezopotamyayê (MA), Di biryarê de rêzetedbîrên xweparastinê li dijî belabûna vîrusê hatin destnîşankirin. Li gorî navaroka biryarê; 

1- Tevahî dergeh ji duşemê (13.07.2020) ve bi temamî têne girtin. 

2- Ji 13.07.2020`an ve kesên derbasî herêmên Rêveberiya Xweser bibin, dê heta 14 rojan bikevin Qerentînayê. 

3- Ji ber pandemiya Koronavîrusê, nabe tu cenaze derbasî herêmên Rêveberiya Xweser bibin. 

4- Divê rêgeza dûrketina ji hev li cihên olî, konên sersaxiyê, şahî û civînên mezin pêk were. 

5- Tenê xwendekar ji vê biryarê heta ku ezmûnên xwe bi dawî bikin, têne îstîsnakirin. Lê divê tevahiya tedbîrên tenduristiyê bêne girtin. 

Rêveberiya Xweser a Bakur û Rojhilatê Sûriyê piştî pandemiya Koronavîrusê li herêmên di bin serweriya hikumeta Sûriyê û dewletên cîranê de berbelav bû, ev biryar dan.
 

Nêrîn