Hevserokê Meclisa Sûrîya Dêmokiratîk (MSD) ragihand ku ew meclisa hez dike ku muzakireyên nû bi dewleta Şamê re destpê bike.

Riyaz Derrar Hevserokê MSD (pêkhatî ji nunerên hemî çîn û qatên bakur û rojhilata Sûrîyê) got: Em di rêya muzakireya digel dewleta Şamê da ne û me ev yeka ji nîveka sala 2018`ê va destpê kir û ew muzakire jiber daxwaza hikûmetê ya vegera bo rewşa berî sala 2011`ê hatin sekinandinê. Em nika dixwazin ku muzakirên nû bi serketinên zêdetir destpê bikin.

Hevserokê MSD herwiha amajeyî hewlidana rayedarên ewrûpî jibo hevkarîya digel berpirs û rêvebirên bakura rojhilata Sûrîyê kir û got: Seredanên me yên Ewrûpayê bi armancên kivş pêk hatin û nemaze piştî êrişa Tirkîyê ser navşeyên me li Serêkanîyê û Girêsipî gellek rayedarên ewrûpî gazî me kirin û demekê me li hotel an kafeyan bi wan re hevdîtin pêk dianî ku roja îro em li Wezaretên Karên Derve yên wan welatana bi Wezîrên wan re têkildarî gellek projeyan û nemaze têkildarî DAIŞ`îyên girtî di destê hêzên Kurd de û mêkanîzma çareserkirina pirsgirêkên malbatên wan muzakirê dikin.