Serokomarê Emerîkayê Donald Trump di xiyaneteke eşkera li hevpeymanên xwe yên kurd li Sûriyê de ragehand, Kurd bi hezran cengawer ji dest dane, lê em nekarîn berdewam li Suriya bimînîn û me sinûr bo Tirkiyê daniye û nabe wê sinûrê bibezîne. Êdî erkên welatên deverê ye arîşeyên xwe çaser bikin. Trump herweha got: Kurd û Tirik li deverê dijmin in û em xwe naxîn navbera wan.

Piştî zincîre tiwîtên Trump derbarê Suriyê û vekişana serbazên Emerîkayê ji Suriyê û pînekirina xiyaneta li kurdan. Trump di gotara xwe de, got: Min bi Ewrûpayîyan re got: Werin hevwelatîyên xwe yên di rêza DAIŞê de bûn û bikuj û hov bûn wergirin û vegerînin, lê wan guh nedan û gemjane reftar li gel me  kirin.

Wî herwiha got : Êdî ev erkê Tirkiyê, Îraq, Suriya, Rûsya û Îranê ye evê pirsê çareser bikin.

Wî herwiha diyar kir, Ewrûpayîyan bi xirabî Emerîka bikaranîn , zêdetir ji 100 milyar Dolar hatîye xerckirin, lê hêj bes nîne û divêt Ewrûpayî û NATO evê berpirsyarîyê wergirin. Ew dixwazin mifayê ji me wergirin, lê em evê yekê nakin.Herweha wî got, me dû tirlyon Dolar xerc kirîye, lew me daxwaz ji Tirkiyê û Ewrûpa kirîye, erkên xw bicih bihînin.

Derbarê Kurd jîTrump got: Kurd bi hezaran cengawer ji destdane û ew dijminên  suriştî yên Tirkiyê ne. Ew herdû bi sedan sal in li gel hev şer dikin û em naxwazîn bikevîn di nav şerê şorişvanî û şerê wan de, bi wî awayî kar nayê kirin û hêvîdarîn bi başî kar bên kirin.