SAHAR

Çavkaniyên medyayî ragihandin ku balafirên hevpeymaniya destdirêjker a Siûdî êrişî stadyuma Sanayê, paytexta Yemenê kirin.

Li gorî rapora Kanala Nûçeyan a El-Meyadîn; Balafirên hevpeymaniya Siûdî, sibeha Înê, deverên cuda yên Sanayê, di nav de stadyuma el-Sewra, li bakurê vî bajarî, bombebaran kirin.

Li gorî vê raporê, di encama êrişan de hejmarek ji welatiyên sivîl ên Yemenê birîndar bûne.

Endamê Konseya Bilind a Siyasî ya Yemenê Muhemed Elî El-Hûsî beriya êrîşa ser stadyûma El-Sewra, îdiaya koalîsyona Siûdî ya derbarê hebûna çekan li vê stadyûmê red kir û bang li medyayê kir ku derewên êrîşkaran eşkere bikin û ji vê stadyûmê fîlman hilgirin.

Hevalbendiya destdirêjker a siûdî beriya niha 58 mûşek avêtin parêzgehên curbicur ên Yemenê.