Hewlêrê vê gavê radestkirina tam a niftê bo Bexdayê pesend kiriye
Çavkaniyên agehdar derbarê muzakirên niftdi navbera Hewler û Bexdayê û yekalîbûna pêşnumaya rêketinê agahiyan didin .
Çavkaniyên agehdar ragehandin pêşnumaya rêketina di navbera Hewler û Bexdayê derbarê radestkirina niftê û hinardekirina wê di qonaxên dawî de ye. Li gorî vê peymanê, guhertinek bingehîn hatiye kirin, ku li gorî wê hemû nifta ku li herêmê tê hilberandin dê radestî Bexdayê were kirin, bi şertê ku hikûmeta federal pêdiviyên navxweyî yên herêmê ji bo berhemên niftê bicîh bîne.
Texmînên destpêkê nîşan didin ku Herêma Kurdistanê rojane nêzîkî 50 heta 55 hezar bermîl nift hewce ye ku bişîne palîngehan ku berhemên niftê jê werin hilberandin.
Qanûna budceya Iraqê radestkirina rojê 400 hezar bermîl nift ji aliyê herêmê ve wekî şertek pêwîst ji bo dayîna para darayî ya mehane ya herêmê destnîşan kiriye. Lê niha ji Bexdayê re hatiye ragihandin ku zirûfa hilberîna niftê ya herêmê tenê nêzîkî 280 hezar bermîl di rojê de ye.
Li gorî gotina çavkaniyek li Hikûmeta Herêma Kurdistanê, li gorî xalên reşnivîsa peymanê, şandeke Wezareta niftê ya Iraqê dê bi du armancan sefera herêmê bike: ya yekem, ji bo diyarkirina asta rastîn a hilberîna niftê li Herêma Kurdistanê, û ya duyem, ji bo diyarkirina pêdiviya rastîn a herêmê bi berhemên wekî nifta sipî, benzîn û mazotê, ku divê hikûmeta federal li gorî peymanêwê dabîn bike.
Ji 25ê Adara 2023an ve, hinardekirina nifta Herêma Kurdistanê bi rêya bendera Ceyhanê ya Tirkiyê hatiye rawestandin.
Tê gotin ku Hikûmeta Herêma Kurdistanê dê di demek nêzîk de bersiva xwe ji bo peymanê ragihîne.
