Piştî çareserkirina pirsa PKKê, divê artêşa Tirkiyê ji Herêma Kurdistanê derkeve
Endamekî Parlemana Iraqê ji Fraksiyona Partiya Demokrata Kurdistanê ragihand: Piştî çareserkirina pirsa PKKê, divê artêşa Tirkiyê ji axa Herêma Kurdistanê drekeve.
Di halekî de ku Tirkiyê hebûna xwe ya leşkerî li Herêma Kurdistanê berdewam dike, parlamenterê Iraqê Mehma Xelîl ragihand piştî çareserkirina kirîza PKKê, êdî Enqere ji bo mayîna li nav axa Iraqê dê mehneyên wê tinebin û divê Bexda bi hêz berevaniyê li mafê serweriya xwe bike.
Vî parlamenterê kurd yê parlemana Iraqê got, divê hewldanên dîplomatîk bên kirin ku pêşiya her cure rêkeftinekê ku hêzên Tirkiyê di nav axa Iraqê de bimînin, were girtin.
Mehma Xelîl her wiha daxwaz ji hikûmeta Iraqê kir ku bila tedbîrên cidî û dîplomatîk di asta navxweyî û navdewletî bên kirin ku pêşiya her cure hewldana Tirkiyê were girtin ku hebûna xwe ya leşkerî li Iraqê rewa nîşan bide.
