Endamê pilebilind ê Yekitiyê: Nakokiyên siyasî di navbera Bexda û Hewlêrê de bandoreke nerênî daniye ser miaşa karmendên Herêmê
Endamê pilebilind ê Yekîtiya Niştimaniya Kurdistanê bal kişand ser vê yekê ku nakokiyên siyasî di navbera Bexda û Hewlêrê de, bandoreke nerênî kiriyei ser miaşa karmendên Herêma Kurdistanê û got: Nabe ku miaşa karmendên Herêma Kurdistanê girêdayî bi nakokiyên siyasî yên di navbera Bexda û Hewlêrê be.
Qiyas Sûrçî di gotûbêja bi ajansa El-Melûmeyê re ragihand: Pêwîst e mijara miaşa karmendên Herêma Kurdistanê dûrî nakokiyên siyasî yên di navbera Bexda û Hewlêrê de were çareserkirin û nabe ku berpirsiyariya pirsgirêkên siyasî di navbera Bexda û Hewlêrê bixin istûyê karmendên herêmê.Sûrçî her wiha got, karmend û xanenişînên Herêma Kurdistanê , ev iraqî ne ku divê wek hevtayên wan yên li parêzgehên din ên Iraqê bi wan re jî reftarê bikin û miaşa wan dûr ji nakokiyên siyasî yên di navbera hikûmeta navendî û Herêma Kurdistanêwere dayîn.
Vî endamê pilebilind ê Yekîtiya Niştimaniya Kurdistana Iraqê got: Hin aliyên siyasî li Iraqê bi dû cihhatina armancên taybet in û naxwazin kêşeyên heyî yên di navbera Bexda û Hewlêrê de çareser bibin û dixwazin qeyrana mafên karmendan bidome, lewma divê hikûmeta Herêma Kurdistanê miaşa van karmendan bide.Duh jî nivîsgeha Serokwezîrê Iraqê ragihand, ji ber pirsgirêkên qanûnî nikarin rasterast miaşa karmendên Herêam Kurdistana Iraqê bidin.
