Dawîbûna nakokiyên siyasî di navbera Bexda-Hewlêrê de
Nûnerê Yekîtiya Niştimaniya Kurdistanê li Parlemana Iraqê ragihand: Nakokiyên siyasî yên di navbera Bexda û Hewlêrê de bi dawî bûne û tenê pirsgirêkên teknîkî mane û derbarê wan de rawêjkarî tên kirin.
Xerîb Ehmed, Nûnerê Yekîtiya Niştimaniya Kurdistanê li parlemana Iraqê, amajeyî astengiyên ser rêya Bexdayê bo dayîna krêdîtên darayî bo hikûmeta Herêma Kurdistana Iraqê kir û li ser îhtimala dayîna deynê ji aliyê Bexdayê bo Hewlêrê bona dayîna mûçeyê du mehên karmendên herêmê agahî da û got: Nakokiyên siyasî di navbera Bexda û Hewlêrê de bi dawî bûne û tenê pirsgirêkên teknîkî mane û şandeke kurd ji bo çareserkirina hemû pirsgirêkên mayî têkildarî berhemên neniftê niha li Bexdayê ye.
Wî her wiha got: Di vê heyamê da çendîn civîn di navbera Bexda û Hewlêrê da hatine lidarxistin û bê şik dê hemû kêşeyên mayî bên çareserkirin û çavrêtî heye ku hikûmeta federal di rojên bê de mûçeya kedkarên hikûmeta Herêma Kurdistana Iraqê yên Tîrmeh û Tebaxê bide Hewlêrê.
