Hevhatina YNK digel PDK’yê re li ser vegera wezîrên Yekîtiyê li civînên taxima dewleta Herêmê
Endamê payebilind ê Yekîtiya Niştîmanî ya Kurdistana Iraqê (YNK) behsa hevhatina li ser vegera wezîrên vê partiyê piştî mehekê navber, li civînên taxima dewleta Herêma Kurdistana Iraqê kir.
‘Xiyas Sûrçî’, li hevpeyvîna bi Ajansa nûçeyan a El Meilûmeyê re got: Mesrûr Barzanî, serokwezîrê Herêma Kurdistana Iraqê û Qubad Talibanî, cîgirê wî, duh li hev kirin ku nakokiyên di navbera xwe da çareser bikin û berjewendiyên Herêmê seratir ji her cûre berjewendiyên din re bizanibin.
Sûrçî herwiha got: Mesrûr Barzanî û Qubad Talibanî di vê hevdîtinê da li ser pêkanîna komînyonên hevpar ji bo çareserkirina nakokiyên di navbera 2 partiyan da û pêbendiya her du aliyan li lidarxistina hilbijartina Parlimana Kurdistanê di dema kivşbûyî da pêgîrî kirin.
Wî destnîşan kir: Di hevdîtina Talibanî û Barzanî da herwiha hat lihevkirin ku tîma wezîran a YNK’ê vegerin civînên kabîneya Herêma Kurdistana Iraqê.
