Mehma Xelîl: Pêşniyarqanûna bûceya 2023an digel pêşniyarqanûnên din ciyawaz e
Endamekî Partya Demokrat a Kurdistanê (PDK), pêgîrî kir ku pêşniyarqanûna bûceya giştî ya sala 2023’an a Iraqê ji ber hebûna hevhatina di navbera dewletên federal û Herêma Kurdistanê, ji bûceyên berê cida ye.
Mehma Xelîl di hevpeyvîna bi Ajansa nûçeyan a El Meilûmeyê re amajeyî vê yekê kir ku di amadekirin û pejirandina pêşniyarqanûnên bûceyê yên salên buhurî de, armancên siyasî hebûn û got: Pêşniyarqanûna bûceya giştî ya 2023’an tam ji pêşniyarqanûnên bûceya salên berê cida ye û anegorî hevhatina di navbera hemî partî û tevgerên siyasî hatiye amadekirin.
Xelîl bi pêgîriya li ser vê yekê ku dewleta Herêma Kurdistanê hikmên Dadgeha Federal bi rêzdarî û pêwîst dizane, herwiha got: Ev hemî mesele wê çareser bibin û wê ti pirsgirêkeka kûr di vî warî da nemîne.
Rêbîn Selam, endamekî din ê Partya Demokrat a Kurdistana Iraqê jî li bara pêşniyarqanûna bûceya giştî ya sala 2023’an got: Hin aliyên muzakireyê li Iraqê bona astengîderxistina li hember hevhatina di navbera dewletên federal û Herêma Kurdistanê li ser pêşniyarqanûna bûceya giştî ya îsal de hewl didin.
