Muqteda Sedr bi rêya telefonê tev Barzanî, Malikî, Xencer û Helbûsî axivî
Ofîsa Muqteda Sedir rêberê Tevgera Sedir a Iraqê ragihand ku wî di têkiliyên cuda yên telefonî di gel Mesûd Barzanî rêberê Partiya Demokrat a Kurdistana Iraqê, Muhemed Helbûsî serokê Parlimana Iraqê, Xemîs Xencer rêberê Hevpeymaniya Siyadeyê û Nûrî Malikî rêberê hevpeymaniya dewleta qanûnê derbarê rewşa niha ya Iraqê gotûbêj kiriye.
Li gorî rapora Kurd Pressê, Malpera fermî ya Partiya Demokrat a Kurdistana Iraqê (PDK) ragihand ku Mesûd Barzanî rêberê vê partiyê êvara Pêncşemiyê, 10ê Adarê bi rêya telefonê tev Muqteda Sedir axiviye.
Li gorî vê nûçeyê, di vê gotûbêja telefonî da ku ji aliyê Muqteda Sedir va pêk hatiye, rewşa herî dawî ya alûgorên siyasî yên Iraqê û hewildanên ji bo damezirandina dewleta nû ya vî welatî hatine vekolandin.
Ji aliyê din va, Malpera Nas Kurdê jî ragihand: Ofîsa Muqteda Sedir rêberê Tevgera Sedir a Iraqê ragihand ku wî di têkiliyên cuda yên telefonî di gel Mesûd Barzanî rêberê Partiya Demokrat a Kurdistana Iraqê, Muhemed Helbûsî serokê Parlimana Iraqê, Xemîs Xencer rêberê Hevpeymaniya Siyadeyê û Nûrî Malikî rêberê hevpeymaniya dewleta qanûnê derbarê rewşa niha ya Iraqê gotûbêj kiriye.
Sedir pêştir hevpeymaniyeke sêalî di gel Barzanî û Helbûsî ava kiriye ku ji encamên wê bijartina Helbûsî wek serokê Parlimana Iraqê bû. Lê Sedir dibêje ku ev lihevkirina bi wateya dengdana bo kesên bêyî hêjatiyê an piştevaniya ji binpêkirina qanûnê nîne.
Pêştir jî nakokiyên heyî navbera Nûrî Malikî û Sedir wek berbendeke sereke ya li hemberî damezirandina dewleta nû ya Iraqê hatiye zanîn.
