Rêxistina Efûya Navneteweyî cezayê 6 salan li ser 5 rojnamegeran şermezar kir
Duh Duşemiyê Dadgeha Bilind a Herêma Kurdistana Iraqê li dijî 5 rojnameger û çalakvanan cezayê 6 salan birî û Rêxistina Efûya Navneteweyî ev biryar şermezar kir û got divê yekser werin berdan.
Li gorî rapora ajansa Hawar Newsê (ANHA), Rêxistina Efûya Navneteweyî der barê paşxaneya biryara Dadgeha Bilind a Herêma Kurdistanê ya girtina gelek rojnameger û çalakavan de daxuyaniyek da û wiha tê de hate gotin: "Di 28’ê Nîsanê de, dadgehê ceza li dijî çalak û rojnamegerên bi navên; Şêrwan Şêrwanî û Kehdar Zîbarî, Harîwan Îsa, Ayaz Kerem û Şivan Seîd birî."
Di daxuyaniyê de wiha hate destnîşankirin: "Di 16’ê Şibatê de Dadgeha Cînayetan a Hewlêrê cezaya 6 salan li dijî 5 kesan li gorî tawanên derew birî. Lê divê ev kes yekser û bêyî qeyd û şertan werin berdan."
