Sîrwan Barzanî: 28 caran ambar û kozikên DAIŞê li çiyayê Qereçûx hatin bordûmankirin
Adar 12, 2021 18:25 Asia/Tehran
Berpirsê Mîhwera Gwêr- Mexmûrê ya Pêşmergeyên Herêma Kurdistanê Sîrwan Barzanî ragihand 28 car ambar û kozikên rêxistina terorîst DAIŞê li çiyayê Qereçûxê bordûman kirin.
Îro roja pêncşemê 11.03.2021ê Berpirsê Mîhwera Gwêr- Mexmûrê ya Pêşmergeyên Herêma Kurdistanê Sîrwan Barzanî ji ser hesabê xwe yê tora medyaya civakî ji ser hesabê xwe yê Facebookê ragihand:’’Di operasyoneke hêza hewpeymanan de bi hemahengî ligel Odeya operasyonan a Hewlêr û Pêşmerge û artêşa Iraqê, şava borî heta îro 28 car ambar û şikeft û kozikên terorîstên DAIŞê li çiyayê Qereçûxê hatine bordûman kirin. 10 kozik û şikeft û tunel hatine paqikirin.’’
Herwiha Sîrwan Barzanî amaje bi wê yekê jî kir ku wê operasyonên wisa yên jinavbirina DAIŞê wê berdewam bikin.
