Balafirên şer ên Tirkiyê Qendîl, Zap û Avaşîn li Herêma Kurdistanê bombebaran kirin
Balafirên şer ên Artêşa Tirkiyê deverên Qendîl, Zap û Avaşîn li Herêma Kurdistanê bombe kir.
Navenda Ragihandinê ya PKK'ê ragihand ku artêşa Tirkiyê ya ku hin deverên Herêma Kurdistanê xistine bin kontrola xwe êrîşa hewayî aniye ser deverên Qendîl, Zap û Avaşîn.
''31'ê Kanûna 2020'an di navbeyna saet 14.30-16.00'an de Girê Casûsan, gundên Tutmê, Bêpalan, Golgamiş û Silê yên herêma Qendîlê bi balafirên şer hatine bombekirin.
1'ê Çile ya 2021'an saet 14.10'an qada Saca ya bi ser herêma Zapê de, saet 14.20'î derdora Çepê Zapê hatiye bombekirin.
1'ê Çile ya 2021'an saet 14.15'an derdora gundê Rênçberaxa ya qada Çemço ya herêma Zapê bi balafirên şer hatiye bombekirin.
1'ê Çile ya 2021'an saet 14.20'an qada Dîran a herêma Avaşînê bi balafirên şer hatiye bombekirin.
PKK dibêje: "Di van êrîşên hewayî de ti ziyan nehatiye ser hêzên me.''
