SAHAR

Rêxistina Nûçegihanên Bêsînor bang li rayedarên Herêma Kurdistana Iraqê kir ku demildest 2 rojnamegerên girtî serbest berdin.

Rêxistina Nûçegihanên Bêsînor bi daxuyaniyekê daxwaza azadkirina Beşdar Baziyanî û Şêrvan Şêrvanî  kir. Vê saziya navneteweyî ragihand ku girtina van du rojnamevanan ji aliyê rayedarên Herêma Kurdistana Iraqê ve, bi tawanên bêbingeh û bi armanca  fetisandina dengê rojnamevanên rexnegir hatiye kirin.

Beşdar Baziyanî roja 28ê Sibatê li Silêmaniyê ji aliyê hêzên ewlehiyê  yên kurd hatibû girtin.

Şêrvan Şêrvanî, rojnamevanekî din ê lêkolîner ê li Herêma Kurdistanê ye ku gelek caran hatiye girtin, di sala 2023ê de ji aliyê Hikûmeta Herêma Kurdistanê ve bi 4 sal cezayê girtîgehê hat mehkûmkirin.