Şasiwar Evdilwahid: PDK û YNK dilniya ne ku ew ser nekevin, loma hilbijartinê li dar naxin
“Şasiwar Evdilwahid” Rêberê Tevgera Nifşa Nû ya Herêma Kurdistana Iraqê ragihand: “Vê carê PDK û YNK piştrast in ku ew ê bi ser nekevin, eger bi meyl û daxwaza wan be, ew ê hilbijartinê li dar nexin, meger ku di bin zextê da wê yekê bi cih bînin.” Wî her wiha got: Ez bi vê yekê dilgerm im ku civatên navneteweyî û saziyên iraqî di pêşerojê da wan bo pêkanîna vî karî neçar dikin.
Şasiwar Evdilwahid di hevpeyvîna xwe ya duh da ragihand: Du heger hene ku PDK û YNK naxwazin hilbijartin were lidarxistin. Ya yekê ev e xebata wan gelekî xerab bû û ya diduyan jî ev e ku ew mîna berê êdî nikarin derew bikin; wan pêştir ji bo endamên xwe pênaseya sexte çê dikirin da ku dengê xwe bidine wan, lê niha hema ew kes naxwazin dengê xwe jî bidin.
Şasiwar Evdilwahid got ku em ti wextî weke dema niha ji bo lidarxistina hilbijartinê amade nebûne, her çend ku paş da bikeve jî, amadetiya me zêdetir e. Wî got ku Tevgera Nifşa Nû ti şaştiyek nekiriye û hevrêya gel bûye û helwêsteke wê ya diyar hebûye; ev tevger ji ti tiştî natirse û guhrêbar e, Rê vekirî û dirêj e!
