Mesûd Barzanî: Metirsiyek mezin li ber herêma Kurdistana Iraqê heye
Serokê Partiya Demokrat a Kurdistana Iraqê (PDK) got: Piştî tundbûna êrişên DAIŞê bo ser Herêma Kurdistanê, metirsiyeke mezin li ser vê navçeyê heye.
Li gorî Şefaq News, Serokê PDKê Mesûd Barzanî di gotara xwe de ji bo Kongreya Dîaspora (Rewenda) Kurd li Hewlêrê, ragehand: Em rewenda Kurdî li derveyî welat wek dewlemendiya netewî ya pir giring dizanin, hûn dikarin roleke zêde yê mezin bibînin di piştevaniya gelê xwe de. Hûn dikarin xwe birêkbixin û lobiyekî bihêz ava bikin û li hemû waran de roleke serekî bibînin bo piştevaniya doza gelê xwe.
Barzanî di dewama gotara xwe de got: Xebata gelê me berdewam xebatekî rewa û aştiyane bûye û ti demekê gelê Kurdistanê bijardeya şer helnebijartiye, lê eger hatibe naçar kirin berevanî li xwe kiriye û berevanî kirin jî mafeke rewa ye. berevanî kirina gelê me berevanî kirin bûye li man û nemanê.
Em hêvîdarin û daxwaz dikin doza gelê kurd bi awayekî aştî û demokratîk bê çareser kirin. Şer ne çareseriya ne ji bo pirsa gelê me û ne jî bo pirsên ti gelên din. Lê xaleke gelek giring vê derê de heye, em wek kurd û Kurdistanî divê gelek hişyar bin, xîlaf û nakokiyên li gel rejîman nabe bibe dijminayiya gel gelan.
Serok PDKê herwiha bal kişande ser êrişên vê dawiyê yên koma terorîst ser devera Germiyan û Mixmûrê û kuştî û birîndarkirina xelkê sivîl û pêşmergeyan û got: Mixabin berî çend rojan li navçeya Germiyan û duh li Mexmûrê terorîstan gelek hemwelatî û Pêşmerge şehîd kirin. Ev yek wê rastiyê nîşan dide ku hîn metirsiya mezin li ser herêmê heye. Ez li vê derê hemû xelkê Kurdistanê piştrast dikim ku dê tola şehîdan dê bê vekirinn û xwîna şehîdan vala naçe.
