Nêçîrvan Barzanî piştî serdana xwe ya Brîtanyayê vegeriya Herêma Kurdistanê
Serokê Herêma Kurdistanê Nêçîrvan Barzanî piştî serdaneke fermî ya çend rojî li Londonê vegeriya Herêma Kurdistanê.
Serokê Herêma Kurdistanê Nêçîrvan Barzanî îro Şemiyê 18ê Îlona 2021ê piştî serdana xwe ya Brîtanyayê û civîna li gel Serokwezîrê wî welatî Boris Johnson vegeriya Herêma Kurdistanê.
Nêçîrvan Barzanî di dema serdana xwe de herwiha li gel her yek ji Serokê Encumena Lordan, Wezîrê Derve, Berevanî, Hêzên Çekdaran û Perwerdeya Brîtanya û li çarçêweya serdanê de jî li gel Şêx Mihemed Bin Zayid Cîhnişînê Abu Zebî û Cîgirê Fermandeyê Giştî yê Hêzên Çekdar ên Îmaratê û Serokê Encumena Raperandina Mîrnişîna Abu Zebî civiya.
Barzanî di civînê de pêşxistina peywendiyan û warên alîkarî û rewşa Iraq û Herêma Kurdistanê û pêşhatên dawî û pêşketinên navçeyê guftûgo kirin.
Her di dema serdana xwe de Serokê Herêma Kurdistanê, serdana Akademiya Şahaneya Sandhursta Serbaziya Brîtanî kir û li gel siyasetmedar û Serok Wezîrê berê yê Brîtanya û grûpa Parlementerên dostên Kurdistanê li Parlemena Brîtanya John Major, hevdîtin pêk anî.
