Nêçîrvan Barzanî gehişt Tirkiyê
Serokê Herêma Kurdistanê Nêçîrvan Barzanî vê sibehê serdana Tirkiyê kir biryare gel Serokomarê Tirkiyê Receb Teyib Erdogan û Wezîrê Derve yê Tirkiyê Mevlut Çavuşoglu bicive.
Malpera Serokatiya Tirkiyê bernama serdana Serokê Herêma Kurdistanê belav kir û ragihand, îro saet 14:00 ewê bi Serokomarê Tirkiyê re bicive û derbarê pêwendiyên navbera herdu aliyan de gotûbêjan dikin.
Herwiha yekemîn hevdîtina Serokê Herêma Kurdistanê di saet 09:30 de ser wextê Tirkiyê û bo taştê li gel Wezîrê Derve yê Tirkiyê Mevlut Çavuşoglu dibe.
Şanda bi Serokê Herêma Kurdistanê re ji Serokê Dîwana Serokatiya Herêma Kurdistanê, Fewzî Herîrî, Rêveberê Ofîsa Serokê Herêma Kurdistanê Kerîm Şingalî, Berpirsê Fermangeha Pêwendiyên Derve ya Herêma Kurdistanê, Sefîn Dizeyî û Şêwirmendê Bilind ê Serokê Herêma Kurdistanê Felah Mistefa pêk hatiye.
