Balafirên cengê yên Artêşa Tirkîyê careka din deverên xelknişîn ên parêzgeha Hewlêrê dan ber bombeyan.

Êhsan Çelebî Rêvebirê Devera Sîdekanê ser bi parêzgeha Hewlêrê ragihand ku duh danê êvarê balafirên cengê yên Artêşa Tirkîyê ew herêma dane ber bombeyan û girik û bilindahîyên gundên Xelîfan û Gelîreşê di encamê de bûne armanc û sietekê hatine bombebarankirinê.

Çelebî herwiha got: ''Di encama wê bombebaranê de tu kesek nehatîye kuştin an birîndarkirinê û zîyana malî li niştecihan neketîye.'' 

Hefteya buhurî jî di encama êrişa balafirên cengê yên Artêşa Tirkîyê ser devera Qesrokê de çend malên gundîyan wêran bûn û balafireke sîxorîyê ya Tirkîyê jî li devera Amêdîyê jorda ket.

Tirkîye ku bi heceta tepeserkirina hêzên PKK bi awayekî berdewam êrişî Herêma Kurdistanê dike, gellek baregehên istixbaratî û leşkerî li Herêma Kurdistanê damezirandine û leşekrên wî welatî ketine 30 kîlomêtrîya kûratîya axa Herêma Kurdistanê û opêrasyoneke berfire destpê kirine.