Desteya Wezîran a Iraqê dayîna 700 milyar dînarî bo Herêma Kurdistanê pesend kir
Endamekî Partiya Demokrata Kurdistana Iraqê ragihand ku Desteya Wezîrên Iraqê dayîna 700 milyar dînarî bo hikûmeta Herêma Kurdistanê ji bo çareserkirina qeyrana mûçeyê karmendên herêmê pesend kiriye.
Wefa Mihemed Kerîm di gotûbêja bi ajansa El-Meloumeyê re ragehand: DEsteya wezîrên Iraqê bi serokatiya Mihemed Şiya Sûdanî bi piraniya dengan razî bû ku 700 milyar dînarî bide hikûmeta Herêma Kurdistanê.
Ev endamê Partiya Demokrat a Kurdistana Iraqê li parlemana Iraqê, bal kişande ser vê yekê ku dayîna vî pereyî bo Hewlêrê li gor lihevkirina siyasî ya berî pêkanîna hikûmeta niha ya Iraqê de cih tê û got: Ev dirav beşeke ji pişka Herêma Kurdistanê di qanûna bûdceya giştî ya hikûmeta federal a Iraqê ye.
Şivan Mihemed Rostem, Endamê Encumena Nunerên Iraqê li Fraksiyona Partiyê ragihand: Şandina vî pereyî ji aliyê Iraqê ve bo Herêma Kurdistanê dê hemû pirsgirêkan çareser neke.
Her wiha got: Xerckirina vî pereyî dê çareseriya pirsgirêkan hêsan bike, heta ku ev pere bo mûçeyê were xerckirin, emê gotûbêjên din bi Iraqê re jdestpê bikin.
Hevgavê ragihandina rêketineke nû navbera Bexda û Hewlêrê li ser çareserkirina miaşa mûçexorên herêmê, endamekî hevpeymaniya Fetih ya Iraqê got:
Tenê rêya çareseriya qeyrana miaşa karmendên Herêma Kurdistanê, destwerdana parlemanê û dadgeha federal a Iraqê di vê meselê de ye.
Mehmûd El-Heyanî, Endamê hevpeymnaiya El-Fethê teqez kir ku tenê rêya çareseriya qeyrana mişaşa karmendên herêmê, destwerdana parlemanê û Dadgeha Federalî ya Iraqê di vê meselê de ye û daxwaza rêyekê li gor Destûra Bingehîn a Iraqê û qanûnên din ên vî welatî kir ku Herêma Kurdistanê neçar bike ku dahatên niftê û dergehên sînorî radestî hikûmeta navendî ya Iraqê bike.
Mehmûd El-Heyanî di hevpeyvînekê bi El-Melûmeyê ragihand ku hikûmeta Herêma Kurdistanê tenê li ser parêzgehên herêmê de serdest e, ji ber ku biryara ti desthilatekê giringtir nîne ji biryarên hikûmeta navendî ya Bexdayê û daxwaza pêngavên guncaw li gor destûra bingehîn a Iraqê û qanûnên din ên vî welatî ji bo çareserkirina qeyrana niha ya miaşa karmendên Herêma Kurdistanê kir.
