Çar endamên Hêzên Seferberîya Eşîran ên Iraqê di encama êrîşa koma terorîstî ya DAIŞ’ê li parêzgeha El-Enbarê şehîd bûn.

Li gorî rapora malpera Baghdad Al-Youm’ê, Terorîstên DAIŞ’ê êrîşî ser baregeha Hêzên Seferberîya Eşîran ên Iraqê (Heşda Eşîran) li gundê El-Xezûmeyê yê navçeya Hîtê li parêzgeha Enbarê kirin û di encamê da çar endamên vê hêzê şehîd bûn.

Li pey vê êrîşê, hêzên ewlehiyê yên Iraqê asta hebûna xwe li navçeya Hîtê zêdetir kirine û li dû girtina sebebkarên vê êrîşa terorîstî ne.

Di rojên dawî da terorîstên DAIŞ’ê careke din valatîya ewlehiyê li hin navçeyên Iraqê bi kar anîne û operasyonên terorîstî pêk anîne.