Şaneya Ragihandinê ya Ewlehiya Iraqê ragihand; di dema lêgerîna çekdarên DAIŞê de li bilindahiyên Hemrînê, çar terorîstên DAIŞê ji aliyê hêzên ewlehiyê yên Iraqê ve hatin kuştin.

Li gor daxuyaniya Şaneya Ragihandinê ya Ewlehiya Iraqê; Fermandariya Diyala di lêgerîna çekdarên DAIŞê de berdewam e.

Hat diyarkirin ku hêzek ji Lîwaya 34 a Firqeya 9, li bilindahiyên Hemrînê di dema rûbirûbûna hejmarek çekdarên DAIŞê de, 4 çekdar hatin kuştin, lêgerîn û şopandina yên mayî jî didome.

Eva demek e çekdarên DAIŞê li çend deverên Iraqê êrîşî hêzên Pêşmerge û hêzên ewlehiyê yên Iraqê dikin, li gor planekê çendîn operasyonên hevbeş di navbera hêzên Pêşmerge û hêzên Iraqê de ji bo jinavbirina wan çekdaran têne encamdan.